ಸುತ್ತೋಲೆ

ಹಲೋ ಮಗನೇ!

ಹಾಯಾಗಿ ಮುನ್ನಡೆ,

ಹೌದು,

ಈ ಭೂಮಿ ಸೊಗಸಾಗಿದೆ.

ನಿಶ್ಚಿಂತನಾಗು,

ನಿತ್ಯ ಸಂತೋಷಿಯಾಗು,

ನಿನ್ನಿಷ್ಟದಂತೆ ನೀನಿರು;

ಬೊಗಳೆಗೆ ಬೆಚ್ಚದಿರು,

ಹಬ್ಬ ಮಾಡುತ್ತ ಜೀವಿಸು. 

ಸಣ್ಣದಲ್ಲದ ಕತೆ, 

ದೊಡ್ಡದರ ವಾಸ್ತವತೆ,

ಘನ - ಗಂಭೀರ ನಡೆ, ವರ್ತಮಾನವ

ಅರಿತುಕೋ - 

ಕೇಡುಗಳ ನುಗ್ಗುನುರಿ ಮಾಡಿ, 

ನಾಟು, ದಾಟು.

ನಿರಂತರ ನಡೆವ

ಕಸರತ್ತು, ಕರಾಮತ್ತು,

ಬದಲಾವಣೆಯ ಪರ್ವ - 

ಎಲ್ಲವೂ ಒಂದು ಥರ ಚಂದ!

ಮಾಯೆ!

ನಗುವಿನ ಬುಗ್ಗೆ ವ್ಯಾಪಾರ,

ಕ್ಯಾಶ್‌ಲೆಸ್ ವ್ಯವಹಾರ,

ನಕಲಿ ಶೃಂಗಾರ ಹಾಗೂ

ಬೇರೇನಿದೆ ನೋಡೋಣ

ಈ ಜಗತ್ತಲ್ಲಿ ನಾವೂ ಒಂದು

ಸುತ್ತೋಲೆ ಹೊರಡಿಸಿ

ಸುತ್ತೋಣ.

✍️ ಶಿವಕುಮಾರ ಸಾಯ 'ಅಭಿಜಿತ್'