🔶ಅಭಿಜಿತ್ ನಕ್ಷತ್ರ🔶

"ಸಾಧುಂಗೆ ಸಾಧು ಮಾಧುರ್ಯಂಗೆ ಮಾಧುರ್ಯಂ ಬಾಧಿಪ್ಪ ಕಲಿಗೆ ಕಲಿ/ಯುಗ ವಿಪರೀತನ್ ಮಾಧವನೀತನ್ ಪೆರನಲ್ಲ" ಈ ನವೆಂಬರ್ ತಿಂಗಳಲ್ಲಿ ಎಲ್ಲರೂ ಮೈಕೊಡವಿ ಒಮ್ಮೆ ಕನ್ನಡ ಮಾತಾಡತೊಡಗುತ್ತಾರೆ. ಸಮ್ಮೇಳನಗಳು ಆರಂಭವಾಗುತ್ತವೆ. ಪ್ರಚಾರದ ಭರಾಟೆ ಜೋರಾಗುತ್ತದೆ. ನಿನ್ನೆಯ ರಾಜ್ಯೋತ್ಸವ ಕಾರ್ಯಕ್ರಮಕ್ಕೆ ನನ್ನ ಕನ್ನಡ ಗುರುಗಳಲ್ಲೊಬ್ಬರಾದ ಡಾ. ಎಚ್. ಜಿ. ಶ್ರೀಧರ ಅವರನ್ನು ಕಾರ್ಯಕ್ಷೇತ್ರ ಅಡ್ಯನಡ್ಕಕ್ಕೆ ಕರೆದಿದ್ದೆ. ಅವರು ನನಗೆ ಪದವಿ ಐಚ್ಛಿಕದಲ್ಲಷ್ಟೇ ಅಲ್ಲದೆ ನಾನು ಪದವಿಪೂರ್ವ ತರಗತಿಯಲ್ಲಿ ವಿಜ್ಞಾನ ವಿಭಾಗದಲ್ಲಿ ಅಭ್ಯಾಸ ಮಾಡುತ್ತಿದ್ದಾಗಲೂ ಕನ್ನಡ ಪಾಠ ಹೇಳುತ್ತಿದ್ದವರು. ಅಷ್ಟೇ ಅಲ್ಲದೆ ಕಾಲೇಜಿನ ವಿದ್ಯಾರ್ಥಿಯಾಗಿದ್ದಾಗ ನನ್ನ ಸಾಹಿತ್ಯ ಮನಸ್ಸನ್ನು ಸಲಹುವ ಕೆಲಸ ಮಾಡಿದ ಒಬ್ಬ ಸಾಚಾ ಮನುಷ್ಯ. ಅನೇಕ ಕಾರ್ಯಕ್ರಮಗಳಲ್ಲಿ ವೇದಿಕೆ ಕೂಡ ಕೊಡಿಸಿದವರು. ಮಾನ್ಯ ಶ್ರೀಧರ್ ಸರ್ ಅವರ ಬಗ್ಗೆ ಅಭಿಮಾನವಿರುವುದಕ್ಕೆ ಹಲವಾರು ಕಾರಣಗಳಿರಬಹುದು. ಪದವಿಯಲ್ಲಿ ಕನ್ನಡ ಐಚ್ಛಿಕಕ್ಕೆ ನಾನು ಸೀಟು ಬಯಸಿದ್ದ ಸಂದರ್ಭ.  ಆ ದಿನ ನಾನು  'ವಿಜ್ಞಾನ ವಿದ್ಯಾರ್ಥಿ' ಎಂಬ ಕಾರಣಕ್ಕೆ ಸೀಟು ನಿರಾಕರಿಸಲ್ಪಟ್ಟಿತ್ತು. ಇಂದು ವಿವೇಕಾನಂದ ಕಾಲೇಜಿನ ಪ್ರಾಂಶುಪಾಲರಾಗಿರುವ ಡಾ. ಪೀಟರ್ ವಿಲ್ಸನ್ ಅವರಂತೂ ಕಿರಿಕಿರಿಯೆನಿಸಿ "ಸೀಟು ಕೊಡಲು ಸಾಧ್ಯವೇ ಇಲ್ಲ. ಏನು ಇನ್ಫ್ಲುಯೆನ್ಸ್ ಮಾಡುತ್ತೀಯ ನೀನು"ಎಂದು ಹೇಳಿ ವಾಪಸ್ ಕಳಿಸಿದ್ದರು. ಶ್ರೀ...

ಹರುಷದಿ ಬಾಳೋಣ/ ಜೀವನ ಆಗಲಿ ಸುಖಪಯಣ// ಸಾರ್ಥಕಗೊಳಿಸೋಣ/ ಬದುಕಲಿ ಸ್ಫೂರ್ತಿಯ ಹರಿಸೋಣ// ತೋರಣ ಕಟ್ಟೋಣ/ ಗೆಲುವಿನ ಕಾರಣ ತಿಳಿಸೋಣ// ಅರ್ತಿಯ ಹಂಚೋಣ/ ಛಲದಲಿ ಕೀರ್ತಿಯ ಮೆರೆಸೋಣ// ಬಾಲ್ಯದ ಆಟೋಟ/ ಗೆಳೆಯರ ಪ್ರ...

ನಮಸ್ಕಾರ. ಅನೇಕರು ನಾನು 'ಅಭಿಜಿತ್' ಎಂಬ ಹೆಸರನ್ನು ಬಳಸುತ್ತಿರುವುದರ ಬಗ್ಗೆ ಕೇಳಿದ್ದಾರೆ. ಇಲ್ಲಿ ನನ್ನ ಬ್ಲಾಗಿಗೆ ಕೂಡ ಅದೇ ಹೆಸರು ಕೊಟ್ಟಿರುವುದು ನೋಡಿ ಕೆಲವರಿಗೆ ಆಶ್ಚರ್ಯವಾಗಿರಬಹುದು. 'ಅಭಿಜಿತ್' ಎಂಬುದು ಮನೆಯಲ್ಲಿ ನನ್ನನ್ನು ಮುದ್ದಿನಿಂದ ಕರೆಯಲು ಇಟ್ಟಿದ್ದ ಹೆಸರಲ್ಲ. ಅವರು ಕರೆಯುವ ಹೆಸರು 'ಭವೇಶ' ಎಂದು. ಅಫಿಶಿಯಲ್ ಆಗಿ ಶಿವಕುಮಾರ್ ಎಂಬ ಹೆಸರು ಬಳಕೆಯಾಗುತ್ತದೆ. ಆದರೆ ಈ 'ಅಭಿಜಿತ್' ಎಂಬ ಹೆಸರನ್ನು ಖಾಸಾ ಎಂಬಂತೆ ಬಳಸುತ್ತಿರುವುದೇಕೆ ಎಂಬುದರ ಕಾರಣದ ಬಗ್ಗೆ ಇಲ್ಲಿ ಖಾಸಗಿಯಾಗಿ ಬರೆಯುತ್ತಿದ್ದೇನೆ. 2016ರ ಆರಂಭದ ವರೆಗೂ ಅಭಿಜಿತ್ ನಕ್ಷತ್ರ ಎಂಬ ಪದವೇ ನನ್ನ ಗಮನಕ್ಕೆ ಬಂದಿರಲಿಲ್ಲ. ಹುಟ್ಟಿದ ದಿನಾಂಕ 11 ನವೆಂಬರ್ 1983 ಅದು ಉತ್ತರಾಷಾಢ 4ನೇ ಪಾದ ಮಕರ ರಾಶಿ ಎಂದು ಬರೆಯಲಾಗಿತ್ತು. 2014ರ ವರ್ಷಾಂತ್ಯದಲ್ಲಿ ನಾನು ತುಂಬಾ ನಿಗೂಢವೆಂದೂ, ನನ್ನನ್ನು ನಾನು ತಿಳಿದುಕೊಂಡಿಲ್ಲವೆಂದೂ, ನನ್ನಲ್ಲಿ ಎರಡು ಹೆಸರಿನಂತೆ ಎರಡು ವ್ಯಕ್ತಿಗಳಿರುವರೆಂದೂ, ಇನ್ನೂ ಏನಕೇನ ಪ್ರಕಾರೇಣ ತಲೆ ಹಾಳು ಮಾಡಿ ಕುಗ್ಗಿಸಲೆತ್ನಿಸಿದ್ದ ಶೂನ್ಯಬುದ್ಧಿಯವರೊಬ್ಬರ ಸ್ವಾರ್ಥದ ನಡತೆ ನನ್ನನ್ನು ಒಮ್ಮೆ ಉತ್ತರವೇ ಇಲ್ಲದೆ ಓಡಿಹೋಗುವ ಪರಿಸ್ಥಿತಿಗೆ ತಂದಿತ್ತು. ಆದರೆ "I survived because the fire inside me burned brighter than the fire around me" ಎಂಬಂತೆ ಭುಗಿಲೇಳುವ ತನಕ ನಾನು ಏನ...

ಸ್ನೇಹದ ಪ್ರಪತ್ರ ಸ್ನೇಹದ ಬೆಂಬಲಕ್ಕೆ ಸಾವಿರ ನಮನವಿದೆ; ಸಂತಸದ ಕಣ್ಣೀರಲ್ಲಿ ಹೃದಯದ ಪ್ರೇಮವಿದೆ. ಕಾಯುವವರಿವರು, ಕನಿಕರಿಸುವವರು, ಮೈದಡವಿ ಸವಿಯ ನೀಡುವವರು, ಜೀವಪರ ನಿಂತ ಸಂಕಲ್ಪ ಸಂಭೂತ ದೇವದೇವತೆಗಳು. ನಿಮ್ಮ ಕೈಗೆ ಕೈ ನೀಡಿ ಚಪ್ಪಾಳೆ ಹೊಡೆಯುತ್ತೇನೆ ಮುಖಕ್ಕೆ ಮುಖ ಕೊಟ್ಟು ಮಾತಾಡುತ್ತೇನೆ ಅನುಭವ-ಅನಿಸಿಕೆ ಹೇಳಿಬಿಡುತ್ತೇನೆ ಪ್ರಾಮಾಣಿಕ ಪ್ರೀತಿ ಪರಿಶುದ್ಧತೆಯ ಪ್ರತೀಕವೆನ್ನುತ್ತಾ ನೀವುಗಳನ್ನು ಸೇವಿಸಿ ಉಸಿರಾಡುತ್ತೇನೆ. ನಿಜದ ಸ್ನೇಹಿತರೆ, ನಿಮ್ಮವರದೊಂದು ಪಟ್ಟಿ ಸಿದ್ಧಪಡಿಸಿ, ಆಗಾಗ ಬಿಡುಗಡೆಗೊಳಿಸಿ, ಸಂಭ್ರಮಿಸಿ, ಸಂಪೂರ್ಣ ಬೆಂಬಲಿಸಿ, ಹಂಬಲಿಸಿ ಕರೆಯುತ್ತೇನೆ. ಸ್ನೇಹವೆಂಬುದು ತಂಪು, ಸ್ನೇಹವೆಂಬುದು ಆತ್ಮೀಯ, ಸ್ನೇಹವೆಂಬುದು ಸ್ವಕೀಯ; ಈ ಜಗವನ್ನು ಸ್ನೇಹಕ್ಕೆ ಸಿದ್ಧಪಡಿಸಿ ನಿಮ್ಮನ್ನು ನಾನೇ ಆಯ್ದುಕೊಂಡಿದ್ದೇನೆ ಸ್ನೇಹಕ್ಕಾಗಿ, ಸಂತೋಷಕ್ಕಾಗಿ, ಸ್ನೇಹದ ರಾಜಗಿರಿಗಾಗಿ. ✍️ಶಿವಕುಮಾರ ಸಾಯ 'ಅಭಿಜಿತ್'

ಹೊಸದಿಗಂತ ನಿರ್ವಾಹಕ ಸಂಪಾದಕ ಶ್ರೀಯುತ ದಿನಕರ ಇಂದಾಜೆ ಒಂದು ಸಂದರ್ಭದಲ್ಲಿ ನನ್ನನ್ನು ಪತ್ರಿಕೆಯ ಉಪಸಂಪಾದಕನನ್ನಾಗಿಸಿ ಮುನ್ನಡೆಸಿದವರು. ಸಾಹಿತಿಯಾಗಿ, ಕಾದಂಬರಿಕಾರರಾಗಿಯ ೂ ಮುಂಚೂಣಿಯಲ್ಲಿದ...

ಈ ಲೋಕದಲ್ಲಿ ಅದೆಂಥ ವಿಚಿತ್ರ ಮನುಷ್ಯರಿರುತ್ತಾರಪ್ಪಾ! ಕೆಲವರಿರುತ್ತಾರೆ. ಅವರಿಗೆ ಮತ್ತೊಬ್ಬರಿಗೆ ಬುದ್ಧಿ ಹೇಳುವ ತೆವಲು, ತವಕ. ಒಂದು ಬಗೆಯ ತಿಕ್ಕಲು ಸ್ವಭಾವ. ತಮ್ಮ ಮೂಗಿನ ನೇರಕ್ಕೆ ಮಾತಾಡಿಬಿಡುವ...

'ಮನೆಯೆ ಮೊದಲ ಪಾಠಶಾಲೆ ಜನನಿ ತಾನೆ ಮೊದಲ ಗುರು' ಎಂಬಂತೆ ಮೊದಲು ಸಂಸ್ಕಾರ ನೀಡುವವಳು ತಾಯಿ. 'ವಿದ್ಯೆಯಲಿ ತನುಮನವ ತಿದ್ದಿಕೊಳ್ಳಲು ಬೇಕು' ಎಂದು ಕವಿ ಸರ್ವಜ್ಞ ಹೇಳಿದ್ದಾನೆ. ಹಿಂದೆ ಮನೆಗಳಲ್ಲಿ ಕೂಡುಕು...