🔶ಅಭಿಜಿತ್ ನಕ್ಷತ್ರ🔶

ಇಪ್ಪತ್ತೊಂದನೇ ಶತಮಾನದ ತಾಂತ್ರಿಕ ಕ್ರಾಂತಿಯು ಮಾನವನ ನಾಗರಿಕತೆಯನ್ನು ಅಭೂತಪೂರ್ವ ವೇಗದಲ್ಲಿ ಮುನ್ನಡೆಸಿದೆ. ಮಾಹಿತಿ ತಂತ್ರಜ್ಞಾನ ಹಾಗೂ ಸಾಮಾಜಿಕ ಜಾಲತಾಣಗಳ (Social Media) ಆಗಮನವು ಜಗತ್ತನ್ನು ಒಂದು ಪುಟ್ಟ ಜಾಗತಿಕ ಹಳ್ಳಿಯನ್ನಾಗಿ ಪರಿವರ್ತಿಸಿರುವುದು ಸುಳ್ಳಲ್ಲ. ಜ್ಞಾನಾರ್ಜನೆ, ಉದ್ಯೋಗ ಸೃಷ್ಟಿ ಹಾಗೂ ಸಕಾರಾತ್ಮಕ ಅಭಿವ್ಯಕ್ತಿಗೆ ವೇದಿಕೆಯಾಗಿರಬೇಕಿದ್ದ ಡಿಜಿಟಲ್ ಮಾಧ್ಯಮಗಳು, ಕಲೆ, ಸಾಹಿತ್ಯ ಮತ್ತು ತಂತ್ರಜ್ಞಾನದ ಧನಾತ್ಮಕ ಬಳಕೆಗೆ ಅಪಾರ ಅವಕಾಶಗಳನ್ನೂ ಕಲ್ಪಿಸಿವೆ. ಆದರೆ, ಇದೇ ತಂತ್ರಜ್ಞಾನದ ಅತಿರೇಕವು ಇಂದು ಸಮಾಜದಲ್ಲಿ ಹೊಸದೊಂದು ಸಾಂಸ್ಕೃತಿಕ ಮತ್ತು ನೈತಿಕ ಬಿಕ್ಕಟ್ಟನ್ನು ಸೃಷ್ಟಿಸುತ್ತಿರುವುದು ತೀವ್ರ ಆತಂಕದ ಸಂಗತಿಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಇವು ಕೇವಲ ತತ್ಕಾಲದ ಪ್ರಸಿದ್ಧಿ ಹಾಗೂ ಆರ್ಥಿಕ ಲಾಭದ ಶಾರ್ಟ್‌ಕಟ್‌ಗಳಾಗಿ ಮಾರ್ಪಡುತ್ತಿವೆ. ಕ್ಷಣಿಕ ಆಕರ್ಷಣೆ ಮತ್ತು ಮೌಲ್ಯಚ್ಯುತಿ ಇಂದಿನ ಇನ್‌ಸ್ಟಾಗ್ರಾಮ್ ರೀಲ್ಸ್ ಮತ್ತು ಯೂಟ್ಯೂಬ್ ಶಾರ್ಟ್ಸ್‌ನಂತಹ ಅಲ್ಗೋರಿದಮ್‌ಗಳು ಜ್ಞಾನಾಧಾರಿತ ವಿಷಯಗಳಿಗಿಂತ ಹೆಚ್ಚಾಗಿ ಗ್ಲಾಮರ್ ಮತ್ತು ಅತಿರೇಕದ ಪ್ರದರ್ಶನ ಆಧಾರಿತ ಕಂಟೆಂಟ್‌ಗಳನ್ನು ಅತಿ ವೇಗವಾಗಿ ವೈರಲ್ ಮಾಡುತ್ತವೆ. ನೈತಿಕ ಮತ್ತು ಸಾಂಸ್ಕೃತಿಕ ಚೌಕಟ್ಟುಗಳನ್ನು ಬದಿಗೊತ್ತಿ, ಕೇವಲ ಬಾಹ್ಯ ಪ್ರದರ್ಶನ ಅಥವಾ ವಿವೇಚನೆಯಿಲ್ಲದ ಚಟುವಟಿಕೆಗಳ ಮೂಲಕ ಸಾಮಾಜಿಕ ಮಾಧ್ಯಮಗಳಲ್ಲಿ ರಾತ್ರೋರಾತ್ರಿ ಲಕ್ಷಾಂತರ ಫಾಲೋ...

ನಾವು ಜೀವಿಸುತ್ತಿರುವ ಈ ಇಪ್ಪತ್ತೊಂದನೇ ಶತಮಾನದ ಪ್ರಪಂಚವು ಅತ್ಯಂತ ಜಟಿಲವಾದುದು. ಇಲ್ಲಿ ಉದಯದಿಂದ ಅಸ್ತಮಾನದವರೆಗೆ ಕಣ್ಣಿಗೆ ಬೀಳುವುದು ಮಾನವನ ಧಾವಂತ, ತಲ್ಲಣ ಹಾಗೂ ಲೌಕಿಕ ಹಂಬಲಗಳು ಮಾತ್ರ. ಪ್ರತಿಯೊಬ್ಬ ಮನುಷ್ಯನೂ ತನ್ನದೇ ಆದ ವೈಯಕ್ತಿಕ ಬೇಡಿಕೆಗಳ ದೀರ್ಘ ಸರಮಾಲೆಯನ್ನು ಹಿಡಿದು ನಮ್ಮೆದುರು ನಿಲ್ಲುತ್ತಾನೆ; ತಂತಮ್ಮ ನೋವುಗಳು, ಕೊರತೆಗಳು ಮತ್ತು ಆಸೆ-ಆಕಾಂಕ್ಷೆಗಳ ಕುರಿತಾಗಿಯೇ ಗಂಟೆಗಟ್ಟಲೆ ಸಂಭಾಷಿಸುತ್ತಾನೆ. ಆದರೆ, "ನಿನ್ನ ಮನದಾಳದ ಸ್ಥಿತಿಯೇನು? ನಿನ್ನ ಅಂತರಂಗವು ಸುಖವಾಗಿದೆಯೇ?" ಎಂದು ನಮ್ಮ ಒಳಬದುಕನ್ನು ಸ್ಪರ್ಶಿಸಿ, ಒಂದಿನಿತು ನಿಷ್ಕಲ್ಮಷ ಪ್ರೀತಿಯನ್ನು ಧಾರೆ ಎರೆಯುವ ಉದಾತ್ತ ಹೃದಯಗಳು ಇಂದು ತೀರಾ ವಿರಳ. ಸಮಕಾಲೀನ ಜಗತ್ತು ಇಂದು ಕೇವಲ ಲಾಭ-ನಷ್ಟಗಳ ತಳಹದಿಯ ಮೇಲೆ ನಡೆಯುವ ಕೃತಕ ವ್ಯವಹಾರವಾಗಿಬಿಟ್ಟಿದೆ. ಸ್ನೇಹ, ವಾತ್ಸಲ್ಯ ಮತ್ತು ಸಂಬಂಧಗಳೂ ಸಹ ಕೇವಲ ಉಪಯುಕ್ತತೆಯ ತಕ್ಕಡಿಯ ಮೇಲೆ ತೂಗಲ್ಪಡುತ್ತಿವೆ. ಒಣಗಿಹೋಗುತ್ತಿರುವ ಈ ಮರುಭೂಮಿಯಂತಹ ಬದುಕಿನ ನಡುವೆಯೂ, ಯಾರೋ ಕೆಲವು ಅಪರೂಪದ ಸಜ್ಜನರು ನಮ್ಮನ್ನು ಆಳವಾಗಿ ಅರಿತುಕೊಳ್ಳುತ್ತಾರೆ. ನಮ್ಮ ಮೌನಕ್ಕೆ ಧ್ವನಿಯಾಗುತ್ತಾರೆ; ನಮಗೆ ತಿಳಿಯದಂತೆ ನಮ್ಮ ಅಭ್ಯುದಯಕ್ಕಾಗಿ ಅಹರ್ನಿಶಿ ಪ್ರಾರ್ಥಿಸುತ್ತಾರೆ. ಜನ್ಮದಾತರಿಂದ ತೊಡಗಿ, ವಾತ್ಸಲ್ಯಮಯ ಬಂಧು-ಬಳಗದವರು, ನೂರಾರು ಬಾಲ್ಯದ ಸಖ-ಸಖಿಯರು ಮತ್ತು ನಮ್ಮ ಜೀವಯಾತ್ರೆಯ ಕವಲುಹಾದಿಗಳಲ್ಲಿ ಒದಗಿಬಂದ ...

ಪ್ರಿಯ ಓದುಗರೇ, 2024ನೇ ಇಸವಿಯ ಮಧ್ಯಭಾಗದಲ್ಲಿ ನಾನು ಅಪಘಾತದಿಂದ ಗಂಭೀರವಾಗಿ ಗಾಯಗೊಂಡದ್ದು, ವಿದೇಶಿ ಹೂಡಿಕೆದಾರರು (FII) ನಿವ್ವಳ ಮಾರಾಟಗಾರರಾಗಿ ತಿರುಗಿದ್ದು ಮತ್ತು ಮಾರುಕಟ್ಟೆ ಮೌಲ್ಯ ದುಬಾರಿಯಾಗಿದ್ದ ಕಾರಣ ಭಾರತೀಯ ಶೇರುಪೇಟೆ ಕುಸಿಯತೊಡಗಿದ್ದು — ಇವೆಲ್ಲವೂ ಕಾಕತಾಳೀಯವಾಗಿ ಒಂದೇ ಸಮಯದ ಆಸುಪಾಸಿನಲ್ಲಿ ನಡೆದ ಸಂಗತಿಗಳು. ಅಪಘಾತ ನಡೆದದ್ದು ಆಗಸ್ಟ್ 30ರಂದು. ಕೆಪಿ (KP) ನ್ಯೂ ಅಯನಾಂಶದ ಪ್ರಕಾರ, ಅಂದು ನನ್ನ ವಿಂಶೋತ್ತರಿ ದಶೆಯಲ್ಲಿ ಗುರು ಮಹಾದೆಸೆಯಲ್ಲಿ ಬುಧ ಅಂತರ್ದಶೆ, ಶುಕ್ರ ಪ್ರತ್ಯಂತರ ದೆಸೆ, ಗುರು ಸೂಕ್ಷ್ಮ ದೆಸೆ ಹಾಗೂ ಮಂಗಳ ಗ್ರಹದ ಪ್ರಾಣ ದೆಸೆ ಇತ್ತು ಎಂದು ತಿಳಿದುಬರುತ್ತದೆ. ದುರ್ಘಟನೆ ನಡೆದ ಕಾರಣ ಶೇರುಪೇಟೆಯಲ್ಲಿ ನಾನೊಬ್ಬ ನುರಿತ ಅಭ್ಯಾಸಿಯಾಗಿದ್ದರೂ, ಗಾಯಾಳುವಾಗಿದ್ದರಿಂದ ಏನೂ ಮಾಡಲಾಗದೇ ಹೋದ ದುಃಖದಾಯಕ ಸಮಯವದು. ಆ ನಂತರ ಲಾಭವಿರಲಿ, ನಷ್ಟ ಬರಲಿ ನಾನೊಬ್ಬ ಮ್ಯೂಚುವಲ್ ಫಂಡ್‌ಗಳ ಹೂಡಿಕೆದಾರನಾಗಿ ಬದಲಾದೆ. ಆದರೆ, 2024ರ ಸೆಪ್ಟೆಂಬರ್ - ಅಕ್ಟೋಬರ್ ಸಮಯದಿಂದ ಕುಸಿತ ಕಾಣುತ್ತಿರುವ ನಮ್ಮ ಮಾರುಕಟ್ಟೆ, ಇದುವರೆಗೂ ಅಂದರೆ ಜುಲೈ 10, 2026ರ ತನಕವೂ ತನ್ನ ಗರಿಷ್ಠ ಮಟ್ಟದಿಂದ ಕೆಳಗೆಯೇ ಇರುವುದು ಕಂಡುಬಂದಿದೆ. ಹೂಡಿಕೆಗಳು ನಷ್ಟದಲ್ಲೇ ಉಳಿದದ್ದರಿಂದ, ಎಂತಹ ಪ್ರತಿಕೂಲ ಪರಿಸ್ಥಿತಿಯಲ್ಲೂ ಉದ್ಯೋಗಕ್ಕೆ ರಾಜೀನಾಮೆ ನೀಡುವ ಭಾವನಾತ್ಮಕ ನಿರ್ಧಾರವನ್ನು ನಾನು ಕೈಬಿಡುವಂತಾದದ್ದು ದೈವಲೀಲೆಯೇ ಸರಿ. ಆದರ...

ಪ್ರೌಢಶಾಲಾ ಶಿಕ್ಷಣವು ಒಬ್ಬ ವಿದ್ಯಾರ್ಥಿಯ ಜೀವನದ ಅತ್ಯಂತ ನಿರ್ಣಾಯಕ ಹಂತವಾಗಿದೆ. ಇದು ಪ್ರಾಥಮಿಕ ಶಿಕ್ಷಣದ ತಳಪಾಯದ ಮೇಲೆ ಭವಿಷ್ಯದ ವೃತ್ತಿಜೀವನ ಹಾಗೂ ಉನ್ನತ ಶಿಕ್ಷಣಕ್ಕೆ ದಾರಿದೀಪವಾಗುವ ಕಾಲಘಟ್ಟ. ಈ ಹಂತದಲ್ಲಿ ಗುಣಮಟ್ಟದ ಶಿಕ್ಷಣ ನೀಡಲು "ವಿಷಯಕ್ಕೊಬ್ಬರು ಅಧ್ಯಾಪಕರು" (Subject-Specific Teachers) ಅತ್ಯಗತ್ಯ.ಈ ವ್ಯವಸ್ಥೆಯ ಮಹತ್ವ, ಪ್ರಸ್ತುತ ಶಿಕ್ಷಕರು ಎದುರಿಸುತ್ತಿರುವ ಹೊರೆಗಳು ಮತ್ತು ಶಾಲೆಗಳಿಗೆ ಅಗತ್ಯವಿರುವ ವಿಷಯವಾರು ಶಿಕ್ಷಕರ ವಿವರಣೆಯ ಕುರಿತು ಸವಿಸ್ತಾರವಾದ ವಿಶ್ಲೇಷಣೆ ಇಲ್ಲಿದೆ. ವಿಷಯಕ್ಕೆ ಒಬ್ಬರು ಅಧ್ಯಾಪಕರು ಏಕೆ ಬೇಕು? ೧. ಆಳವಾದ ವಿಷಯ ಜ್ಞಾನ ಮತ್ತು ಪರಿಣತಿ:ಪ್ರೌಢಶಾಲೆಯ ಪಠ್ಯಕ್ರಮವು (ಗಣಿತ, ವಿಜ್ಞಾನ, ಸಮಾಜ ವಿಜ್ಞಾನ, ಭಾಷೆಗಳು) ಪ್ರಾಥಮಿಕ ಶಾಲೆಗಿಂತ ಹೆಚ್ಚು ಸಂಕೀರ್ಣವಾಗಿರುತ್ತದೆ. ಗಣಿತದ ಬೀಜಗಣಿತ, ವಿಜ್ಞಾನದ ರಸಾಯನಶಾಸ್ತ್ರ ಅಥವಾ ಭೌತಶಾಸ್ತ್ರದಂತಹ ವಿಷಯಗಳನ್ನು ಬೋಧಿಸಲು ಆಯಾ ವಿಷಯದಲ್ಲಿ ವಿಶೇಷ ಪದವಿ (B.Sc, B.A, B.Ed) ಪಡೆದ ಶಿಕ್ಷಕರಿಂದ ಮಾತ್ರ ಸಾಧ್ಯ. ಒಬ್ಬರೇ ಶಿಕ್ಷಕರು ಎಲ್ಲ ವಿಷಯಗಳನ್ನು ನಡೆಸಿದರೆ ವಿಷಯದ ಆಳ ಕುಸಿಯುತ್ತದೆ. ೨. ವಿದ್ಯಾರ್ಥಿಗಳ ಜಿಜ್ಞಾಸೆಗೆ ಸೂಕ್ತ ಉತ್ತರ:ಪ್ರೌಢಶಾಲಾ ವಿದ್ಯಾರ್ಥಿಗಳಲ್ಲಿ ಹೊಸದನ್ನು ತಿಳಿಯುವ ಕುತೂಹಲ ಹೆಚ್ಚು. ಅವರು ಕೇಳುವ ಸಂಕೀರ್ಣ ಪ್ರಶ್ನೆಗಳಿಗೆ ತಾರ್ಕಿಕ ಮತ್ತು ನಿಖರವಾದ ಉತ್ತರ ನೀಡಲು ವಿಷಯ ತಜ್ಞ ಶಿಕ್ಷಕರ...

ಜ್ಯೋತಿಷ್ಯ ಎಂಬುದು ಕೇವಲ ನಂಬಿಕೆಯಲ್ಲ, ಅದೊಂದು ಗಣಿತಾಧಾರಿತ ವಿಜ್ಞಾನ. ಒಬ್ಬ ವ್ಯಕ್ತಿಯ ಜೀವನದ ಘಟನೆಗಳನ್ನು ಅತ್ಯಂತ ನಿಖರವಾಗಿ ತಿಳಿಯಲು ಸಾಂಪ್ರದಾಯಿಕ ಪರಾಶರ ಪದ್ಧತಿ ಮತ್ತು ಆಧುನಿಕ ಕೆ.ಪಿ. (KP System) ಪದ್ಧತಿಗಳೆರಡರ ಆಳವಾದ ಅಧ್ಯಯನ ಅತ್ಯಗತ್ಯ. ಭವಿಷ್ಯ ನಿರ್ಣಯಕ್ಕಾಗಿ ಬಳಸಲಾಗುವ ಅತ್ಯಂತ ವೈಜ್ಞಾನಿಕ ಹಂತಗಳು ಇಲ್ಲಿವೆ: 1. ವೈದಿಕ ಜ್ಯೋತಿಷ್ಯ ಮತ್ತು ಷಡ್ಬಲದ ಮಹತ್ವ ಯಾವುದೇ ಜಾತಕ ವಿಶ್ಲೇಷಣೆಯ ಮೊದಲ ಹಂತ ಲಹರಿ ಚಿತ್ರಪಕ್ಷ ಅಯನಾಂಶ ಆಧಾರಿತ ರಾಶಿ ಕುಂಡಲಿ (D1) ಮತ್ತು ವಿವಿಧ ವರ್ಗ ಕುಂಡಲಿಗಳ ಪರಿಶೀಲನೆ. ಗ್ರಹಗಳ ಡಿಗ್ರಿ ಮತ್ತು ಅವಸ್ಥೆಗಳ ವಿಶ್ಲೇಷಣೆ: ಪರಾಶರ ಪದ್ಧತಿಯಲ್ಲಿ ಪ್ರತಿಯೊಂದು ಗ್ರಹವು ಕುಳಿತಿರುವ ನಿಖರವಾದ ಡಿಗ್ರಿ (Degrees) ಗಮನಿಸುವುದು ಅತ್ಯಗತ್ಯ. ಗ್ರಹದ ಡಿಗ್ರಿಯ ಆಧಾರದ ಮೇಲೆ ಅದು ಬಾಲ, ಕುಮಾರ, ಯುವ, ವೃದ್ಧ ಅಥವಾ ಮೃತ ಅವಸ್ಥೆಯಲ್ಲಿದೆಯೇ ಎಂಬುದನ್ನು ನಿರ್ಧರಿಸಲಾಗುತ್ತದೆ. 0-2 ಡಿಗ್ರಿ ಅಥವಾ 28-30 ಡಿಗ್ರಿಯಲ್ಲಿರುವ ಗ್ರಹಗಳು ಪೂರ್ಣ ಫಲ ನೀಡಲು ಅಸಮರ್ಥವಾಗಿರುತ್ತವೆ. ರಾಶಿ ಅಧಿಪತಿ ಮತ್ತು ವರ್ಗ ಕುಂಡಲಿಗಳು: ಕೇವಲ ರಾಶಿ ಕುಂಡಲಿಯಿಂದ ಫಲ ನಿರ್ಣಯ ಸಾಧ್ಯವಿಲ್ಲ. ಅಂಶ ಕುಂಡಲಿ (D9 - ದಾಂಪತ್ಯ), ದಶಮಾಂಶ (D10 - ವೃತ್ತಿ) ಮುಂತಾದ ವಿಭಾಗೀಯ ಚಾರ್ಟ್‌ಗಳ ಮೂಲಕ ಗ್ರಹಗಳ ನಿಜವಾದ ಶಕ್ತಿಯನ್ನು ಅಳೆಯಲಾಗುತ್ತದೆ. ಷಡ್ಬಲ: ಗ್ರಹವೊಂದು ಎಷ್ಟು ಸಾಮರ್ಥ್ಯ ಹೊಂದಿದೆ ಎಂಬುದನ್ನು ತಿ...

ಕಾಲಚಕ್ರದ ಪಯಣದಲ್ಲಿ ಪ್ರತಿಯೊಂದು ಮಜಲೂ ಒಂದು ವಿಶಿಷ್ಟ ಅರ್ಥವನ್ನು ಹೊಂದಿರುತ್ತದೆ. ಬದುಕಿನ ಮಾಗಿದ ಹಂತದಲ್ಲಿ ಘಟನೆಗಳಿಗಿಂತ ಹೆಚ್ಚಾಗಿ ಅವುಗಳ ಹಿಂದಿರುವ 'ಸ್ಥಿತಪ್ರಜ್ಞ' ಭಾವವು ಮುಖ್ಯವಾಗುತ್ತದೆ. ಪ್ರಕೃತಿಯು ಒಂದು ಮಹತ್ತರ ಪರಿವರ್ತನೆಗೆ ಅಣಿಮಾಡುತ್ತಿರುವಾಗ, ಬಾಹ್ಯ ಗದ್ದಲಗಳಿಗಿಂತ ಅಂತರಂಗದ ಅರಿವು ಜಾಗೃತಗೊಳ್ಳುವುದು ಅನಿವಾರ್ಯ. ಮಾಗುವಿಕೆಯ ಹಂತ: ಅಸ್ಪಷ್ಟತೆಯಿಂದ ಅರಿವಿನೆಡೆಗೆ ಜೀವನದ ಒಂದು ಕಾಲಘಟ್ಟವು ಕೇವಲ ಅನುಭವಗಳನ್ನು ಮೌನವಾಗಿ ಒಟ್ಟುಗೂಡಿಸುವ ಸಮಯವಾಗಿರುತ್ತದೆ. ಇಲ್ಲಿನ ಬಾಹ್ಯ ಚಟುವಟಿಕೆಗಳಿಗಿಂತ ಅಂತರಂಗದ ಸಂಕಲ್ಪವೇ ಹೆಚ್ಚು ಶಕ್ತಿಶಾಲಿ. ಸದ್ಯಕ್ಕೆ ಎದುರಾಗುವ ಸಣ್ಣಪುಟ್ಟ ಅನಿಶ್ಚಿತತೆಗಳು ಅಥವಾ ಅಸ್ಪಷ್ಟತೆಗಳು ವಾಸ್ತವವಾಗಿ ವ್ಯಕ್ತಿತ್ವವನ್ನು ಒಳಗಿನಿಂದ ಹದಗೊಳಿಸುವ ಪ್ರಕ್ರಿಯೆಗಳಷ್ಟೇ. ಇವು ಮಾಗಿದ ಹಣ್ಣು ಸವಿಯಾಗಲು ಬೇಕಾದ ಕಾಯಿಯ ಹಂತದಂತೆ—ಇಲ್ಲಿ ತಾಳ್ಮೆಯೇ ಅತ್ಯಂತ ದೊಡ್ಡ ಶಕ್ತಿ. ಅಂತರಂಗದ ಮೌನ: ಅನಗತ್ಯಗಳ ಪರಿತ್ಯಾಗ ಬದುಕಿನ ನಕ್ಷೆಯಲ್ಲಿ ಒಂದು ಮಹತ್ವದ ತಿರುವು ಸನ್ನಿಹಿತವಾದಾಗ, ಅಂತರಂಗದ 'ಶುದ್ಧೀಕರಣ' ಪ್ರಕ್ರಿಯೆ ತಂತಾನೇ ಆರಂಭವಾಗುತ್ತದೆ. ಅಂತಹ ಸಮಯದಲ್ಲಿ ಜೀವನದ ಪಥವು ಸಂಪೂರ್ಣವಾಗಿ ಮೌನದ ಕಡೆಗೆ ಹೊರಳುವುದು ಪ್ರಕೃತಿಯ ನಿಯಮ. ಇದು ಲೋಕದ ಕಣ್ಣಿಗೆ 'ದೂರ ಸರಿಯುವಿಕೆ' ಎಂದು ಕಂಡರೂ, ವಾಸ್ತವದಲ್ಲಿ ಇದು 'ಅನಗತ್ಯ ಹೊರೆಯನ್ನು ಕಳಚುವ' ಪವಿ...

ಕರ್ನಾಟಕದ ಎಸ್‌ಎಸ್‌ಎಲ್‌ಸಿ ಪರೀಕ್ಷಾ ಪದ್ಧತಿಯಲ್ಲಿ ಆಂತರಿಕ ಅಂಕಗಳನ್ನು ಉತ್ತೀರ್ಣತೆಗೆ ಪರಿಗಣಿಸುವ ಮತ್ತು ಮೌಲ್ಯಮಾಪನವನ್ನು ಸುಲಭಗೊಳಿಸುವ ನಿರ್ಧಾರವು ಕರ್ನಾಟಕ ರಾಜ್ಯಪತ್ರದಲ್ಲಿ ಪ್ರಕಟವಾಗಿ ಪರೀಕ್ಷಾ ನಿಯಮದಲ್ಲಿ ಬದಲಾವಣೆ ತಂದ ಬಳಿಕ ಇದೇ ಶೈಕ್ಷಣಿಕ ವರ್ಷದಿಂದ ಜಾರಿಗೆ ಬರುತ್ತಿದೆ. ಈ ಬದಲಾವಣೆಯು ಕೇವಲ ಫಲಿತಾಂಶದ ಹೆಚ್ಚಳಕ್ಕಾಗಿ ಮಾತ್ರವಲ್ಲ, ನಮ್ಮ ರಾಜ್ಯದ ಶೈಕ್ಷಣಿಕ ಗುಣಮಟ್ಟವನ್ನು ರಾಷ್ಟ್ರೀಯ ಸರಾಸರಿಯ ಮಟ್ಟಕ್ಕೆ ಏರಿಸಲು ಮತ್ತು ನಮ್ಮ ಶಾಲಾ ವ್ಯವಸ್ಥೆಯನ್ನು ಆರ್ಥಿಕವಾಗಿ ಹಾಗೂ ಆಡಳಿತಾತ್ಮಕವಾಗಿ ರಕ್ಷಿಸಲು ಅತ್ಯಗತ್ಯವಾಗಿತ್ತು. 1. ರಾಷ್ಟ್ರಮಟ್ಟದ ಫಲಿತಾಂಶಗಳ ಅಸಮಾನತೆ (2025ರ ಅಂಕಿ-ಅಂಶಗಳು) ನಮ್ಮ ರಾಜ್ಯದ ವಿದ್ಯಾರ್ಥಿಗಳು ಪ್ರತಿಭಾವಂತರಾಗಿದ್ದರೂ, ಮೌಲ್ಯಮಾಪನದ ಅಸಮಾನತೆಯಿಂದಾಗಿ ಇತರ ಶಿಕ್ಷಣ ಮಂಡಳಿಗಳ ವಿದ್ಯಾರ್ಥಿಗಳಿಗಿಂತ ಹಿಂದುಳಿಯುತ್ತಿದ್ದರು. 2025ರ ವಿವಿಧ ಮಂಡಳಿಗಳ ಮೊದಲ ಹಂತದ 10ನೇ ತರಗತಿ ಪರೀಕ್ಷಾ ಫಲಿತಾಂಶದ ತುಲನೆ ಇಲ್ಲಿದೆ: 1 ಕೇರಳ 99.50% 2 ಐಸಿಎಸ್‌ಇ (ICSE) 99.09% 3 ಗೋವಾ 95.35% 4 ಮಹಾರಾಷ್ಟ್ರ 94.10% 5 ತಮಿಳುನಾಡು 93.80% 6 ಸಿಬಿಎಸ್‌ಇ (CBSE) 93.66% 7 ತೆಲಂಗಾಣ 92.78% 8 ಕರ್ನಾಟಕ (SSLC) 62.34% ಕೇವಲ 62.34% ಫಲಿತಾಂಶ ದಾಖಲಾಗಲು ನಮ್ಮ ಮಕ್ಕಳ ಅಸಾಮರ್ಥ್ಯ ಕಾರಣವಲ್ಲ, ಶಿಕ್ಷಕರೂ ಕಾರಣರಲ್ಲ. ಬದಲಿಗೆ ಆಂತರಿಕ ಅಂಕಗಳನ್ನು ಪರಿಗಣಿಸದ ಕಠಿಣ ಮೌಲ್ಯಮಾಪನ ಪದ್ಧ...

ಹಿರಿಯ ಕವಿ, ವಿದ್ವಾಂಸ ಡಾ. ವಸಂತಕುಮಾರ ಪೆರ್ಲ ಅವರು ಬರೆದಿರುವ 'ಅಮೃತ ಹಂಚುವ ಕೆಲಸ' ಪುಸ್ತಕವನ್ನು ಪರಿಚಯಿಸಲು ಸಂತೋಷಪಡುತ್ತೇನೆ. ಆಕಾಶವಾಣಿಯಲ್ಲಿ ಕೇಂದ್ರ ನಿರ್ದೇಶಕರಾಗಿದ್ದು ನಿವೃತ್ತರಾಗಿರುವ ಮಾಧ್ಯಮ ತಜ್ಞ, ಕವಿ - ಲೇಖಕ, ಅಂಕಣಕಾರ ಡಾ. ವಸಂತಕುಮಾರ ಪೆರ್ಲ ಅವರು ಸಮೃದ್ಧವಾದ ಭಾಷಾಜ್ಞಾನ, ಪಾಂಡಿತ್ಯವುಳ್ಳವರು. ಇದುವರೆಗೆ 45ಕ್ಕೂ ಹೆಚ್ಚು ಕೃತಿಗಳನ್ನು ಬರೆದು ಪ್ರಕಟಿಸಿದ್ದಾರೆ. ಅವರು ಅಪ್ಪಟ ಹವ್ಯಕ ಭಾಷೆಯಲ್ಲಿ ಬರೆದ ಚಿಂತನಗಳ ಸಂಕಲನವೇ 'ಅಮೃತ ಹಂಚುವ ಕೆಲಸ'. ಹವ್ಯಕ ಸಮಾಜದ ಮನೆಗಳಲ್ಲಿರುವ ವಿಚಾರ ಸಂಪದವನ್ನು ತಮ್ಮದೇ ಆದ ಶೈಲಿಯಲ್ಲಿ ಪ್ರಸ್ತುತೀಕರಿಸಿರುವ ಪೆರ್ಲರ ಈ ಕೃತಿಯಲ್ಲಿ ಹವ್ಯಕ ಬ್ರಾಹ್ಮಣರ ಸಾಮಾಜಿಕ ಇತಿಹಾಸವನ್ನೇ ಕಾಣಬಹುದು. ಹವ್ಯಕ ಬ್ರಾಹ್ಮಣರ ಕೃಷಿ, ಆಚಾರ ವಿಚಾರ, ಆಲೋಚನೆಗಳು, ಭಜನೆ - ಆರಾಧನಾ ಪದ್ಧತಿ, ಸಂಸ್ಕಾರ, ಸಂಬಂಧಗಳು, ಮಾತುಕತೆ ಮುಂತಾದ ವಿವಿಧ ಮಗ್ಗುಲುಗಳಲ್ಲಿ ಹಾಸುಹೊಕ್ಕಾಗಿರುವ ಎಲ್ಲ ವಿಚಾರಗಳ ಮಂಥನ ಪ್ರಸ್ತುತ ಕೃತಿಯಲ್ಲಿ ವ್ಯಕ್ತವಾಗಿದೆ. ವಿವಿಧೆಡೆಗಳಲ್ಲಿ ಪ್ರತಿನಿತ್ಯ ಲೇಖಕರು ಬರೆದು ಪ್ರಕಟಿಸುವ ಈ ಲೇಖನಗಳು ಗ್ರಂಥವಾಗಿ ಹೊರಹೊಮ್ಮಿದ್ದು, ಹವ್ಯಕರ ಇತಿಹಾಸವನ್ನು ಬಿಂಬಿಸುವ ಒಂದು ದಾಖಲೀಕರಣ ಇದಾಗಿದೆ. ಹವ್ಯಕ ಭಾಷೆಯಲ್ಲಿ ಚಿಂತನೆಗಳ ಹೊತ್ತಗೆ ಪ್ರಕಟವಾಗಿರುವುದು ವಿರಳ. ಇಂದಿನ ಕಾಲಘಟ್ಟದಲ್ಲಿ ಸಾಂಸ್ಕೃತಿಕ ಪರಂಪರೆಯ ಬಗ್ಗೆ ಶೋಧಗಳು, ಒಳನೋಟಗಳು ಅವಶ್ಯ....

ಆಸ್ಟ್ರೋ ವಿಜ್ಞಾನಿ, ಸ್ನೇಹಿತ, ಜ್ಯೋತಿಷ್ಯಾಚಾರ್ಯ ಸಿದ್ಧೇಶ್ವರನ್ ಅವರು ಫೇಸ್‍‌ಬುಕ್‌ನಲ್ಲಿ ಪರಿಚಯವಾಗಿದ್ದರು. ನನಗೆ ತಿಳಿದಂತೆ ಅವರು ಮುಂಬೈ, ಮಹಾರಾಷ್ಟ್ರದಲ್ಲಿ ನೆಲೆಸಿದ್ದಾರೆ. ಸುಮಾರು 40 ಮಂದಿಯ ತಂಡದೊಂದಿಗೆ ಕನ್‌ಸಲ್ಟೆಂಟ್ ಆಗಿ ಇವರು ಕಾರ್ಯ ನಿರ್ವಹಿಸುತ್ತಿರುವರು. ಪ್ರಾಯಶಃ ಜ್ಯೋತಿಷ್ಯದ ಗುಂಪಿನಲ್ಲಿ ಅವರಿಗೆ ನನ್ನ ಪರಿಚಯವಾಗಿದ್ದಿರಬಹುದು. ಅವರು ನನ್ನ ಅನೇಕ ಯೂಟ್ಯೂಬ್ ವಿಡಿಯೋಗಳನ್ನು ಮೆಚ್ಚಿಕೊಂಡು, ಅವುಗಳಲ್ಲಿ ಇರುವ ಅನ್ವೇಷಣೆಗಳನ್ನು ಅವರು ಅರ್ಥೈಸಿಕೊಂಡು ಅಭಿಪ್ರಾಯ ತಿಳಿಸಿದ್ದರು. ಅವರು ನನ್ನ ಆರೋಗ್ಯದ ಬಗ್ಗೆ ಅಕ್ಟೋಬರ್ 19ರಂದು ವಿಚಾರಿಸಿದಾಗ ಸುಧಾರಣೆಯಾಗುತ್ತಿರುವ ಬಗ್ಗೆ ಹೇಳಿದೆ. ನಿಧಾನವಾಗಿ ನಮ್ಮ ಮಾತುಕತೆ ಜ್ಯೋತಿಷ್ಯದತ್ತ ಸಾಗಿತು. ಸಿದ್ದೇಶ್ವರನ್ ಜ್ಯೋತಿಷ್ಯವನ್ನು ನನ್ನಂತೆ ವಿಶಿಷ್ಟ ರೀತಿಯಲ್ಲಿ ನೋಡುವ ಮನಸ್ಸುಳ್ಳವರು. ಆದ್ದರಿಂದ ಅವರ ಅಭಿಪ್ರಾಯಗಳು ನನಗೆ ಕುತೂಹಲಕಾರಿಯಾಗಿದ್ದವು. ಉದಾಹರಣೆಗೆ, ನಾನು ನನ್ನ ಜಾತಕವನ್ನೇ ಅವರ ಜೊತೆ ಸೇರಿ ವಿಶ್ಲೇಷಣೆ ಮಾಡತೊಡಗಿದೆ. ಅವರು ಕೆಲವು ವಿಚಾರಗಳನ್ನು ಲಗ್ನದಿಂದ ನೋಡಬೇಕು, ಕೆಲವು ವಿಚಾರಗಳನ್ನು ರಾಶಿಯಿಂದ ನೋಡಬೇಕು, ಇನ್ನು ಕೆಲವು ವಿಚಾರಗಳನ್ನು ರವಿಯ ಸ್ಥಾನದಿಂದ ನೋಡಬೇಕು ಎಂದು ಅಭಿಪ್ರಾಯಪಟ್ಟರು. ಸಾಂಪ್ರದಾಯಿಕ ಜ್ಯೋತಿಷ್ಯದಲ್ಲಿ ಹೇಳುವ ಉಚ್ಚ-ನೀಚ ಅಂಶವನ್ನು ಅವರು ಒಪ್ಪಲಿಲ್ಲ. ಆ ವಿಚಾರವು ಅಧಿಕೃತವಾಗಿ ಇಲ್ಲ ಎಂದರು. ಅಷ್ಟೇ ಅಲ್ಲದೆ,...

ಗಾಯಗೊಂಡ ಸಿಂಹವನ್ನು ಕೆಣಕುವುದು ಅತ್ಯಂತ ಅಪಾಯಕಾರಿ ಗಾಯ ಒಂದೇ ಆಗಲಿ ಹತ್ತೇ ಆಗಲಿ ಗುಣವಾಗಲು ಬೇಕಾದ ಸಮಯ ಒಂದೇ ಸ್ಟಾಕ್ ಮಾರ್ಕೆಟ್‌ನಲ್ಲಿ ಎಂಟು ನಿಮಿಷಕ್ಕೆ ಹನ್ನೆರಡು ಸಾವಿರವಾದ ಅನುಭವದ ಬಳಿಕ ಹಣ ಮಾಡುವುದು ದೊಡ್ಡ ಸಂಗತಿಯೇ ಅಲ್ಲ ಬದುಕಲ್ಲಿ ಆದರೂ ಟ್ರೇಡಿಂಗ್ ಮಾಡಬೇಡ ಮಗೂ ಹೂಡಿಕೆ ಮಾತ್ರ ಮಾಡು ಚಿನ್ನದ ಮೊಟ್ಟೆ ಇಡುತ್ತಿದ್ದ ಕೋಳಿ ಕತೆ ಎರಡು ಸಲ ಕೇಳಿ ಜ್ಞಾನೋದಯವಾದದ್ದು ಮರೆಯಬೇಡ ಐದು ಹದಿನೈದಕ್ಕೆ ಚಂದನದಲ್ಲಿ ಕೇಳಿದ್ದು ಏಂಜೆಲ್‌ನವನು ಏಳು ಹದಿನೈದಕ್ಕೆ ಹೇಳಿದ್ದು ಎರಡರಲ್ಲೂ ಕತೆ ಒಂದೇ ಉದಾಹರಣೆಗೆ ಬಂದದ್ದು ಗ್ರಹಗತಿ ಬದಲಾಗುವ ವರೆಗೆ ಕಾಯಬೇಕು ಸುಧಾರಣೆ ಆದೀತು ಮಂತ್ರವಾದ ಮೊನ್ನೆಯೇ ಮುಗಿಯಿತು ಗಾಯದಿಂದ ತಾಗಿದವರು ಸುಮ್ಮನೆ ತಾಡಿ ತಾಗಿಸಿಕೊಂಡವರು ಕ್ಷಮಿಸಬೇಕು ಆಗುವುದೆಲ್ಲ ಒಳ್ಳೆಯದಕ್ಕೇ ಆದರೂ ಪ್ರತಿಯೊಂದಕ್ಕೂ ಕಾಲ ಕೂಡಿ ಬರಬೇಕು ಇದೊಂದು ಪ್ರಕಟಣೆ: ಯಾವಾಗ ಯಾವ ಆಟ ಆಡಬೇಕು ಎಲ್ಲವನ್ನೂ ಆಡಲಾಗುತ್ತದೆ ಅಂಗಳದಲ್ಲಿ ಊಹೆಗೆ ನಿಲುಕದಂತೆ ಬೇನಾಮಿ ವ್ಯಕ್ತಿಗಳು ದಿನ ಬೆಳಗಾಗುವುದರೊಳಗೆ ಮೈಲ್ ಮಾಡುತ್ತಾರೆ ಕೇಂದ್ರಕ್ಕೆ ಅವಕಾಶ ಕೊಡುವುದಕ್ಕೆ 'ಅವಕಾಶ ಯಾರೊಬ್ಬರ ಪಿತ್ರಾರ್ಜಿತ ಸೊತ್ತಲ್ಲ' ಎಂದು ಆದೇಶ ಬಂದೀತು ಕೋರ್ಟಿನಿಂದ ಚುಚ್ಚಿ ಮಾತಾಡುವವರು ಬೆಣ್ಣೆ ತೋರಿಸಿ ಬಾಯಿ ಮುಚ್ಚಿಸಿ ಬೇಳೆ ಬೇಯಿಸಿಕೊಂಡವರ ಬಂಡವಾಳ ಹೊರಬಿತ್ತು ಸಕಲ ಮಹಾಜನಕ್ಕೂ ಅದು ಅರ್ಥವಾಯ್ತು. ✍️ ಶಿವಕುಮಾರ್ ಸಾಯ 'ಅಭಿಜಿತ್...

ಬಹಿರಂತಶ್ಚ ಭೂತನಾಮಚರಂ ಚರಮೇವ ಚ | ಸೂಕ್ಷ್ಮತ್ವಾತ್ತದವಿಜ್ಞೇಯಂ ದೂರಸ್ಥಂ ಚಾಂತಿಕೇ ಚ ತತ್ || ಭಗವದ್ಗೀತೆಯ ಕೆಲವು ಸಾಲುಗಳಿವು. ಈ ಶ್ಲೋಕದ ಅರ್ಥ ದೇವರು ಎಂದರೆ ಯಾರು? ಅವನು ಎಲ್ಲಿದ್ದಾನೆ? ಎಂಬ ನಮ್ಮ ಹುಡುಕಾಟಕ್ಕೆ ಉತ್ತರ. " ಅದು ಜೀವಿಗಳ   ಹೊರಗಿದೆ ;  ಒಳಗೂ ಇದೆ ;  ಆದರೂ ಎಲ್ಲೆಡೆ ಚಲಿಸುತ್ತಿದೆ. ಅದು ಅಣುವಿಗಿಂತ ಅಣು ;  ಅದಕೆಂದೆ   ತಿಳಿವಿಗೆಟುಕದ್ದು. ಅದು ದೂರದಲ್ಲಿದ್ದರೂ ಎಲ್ಲರ ಹತ್ತಿರದಲ್ಲಿದೆ. " ಇದು ಸಾರ. ಈಶೋಪನಿಷದ್ ಮಂತ್ರದಲ್ಲಿ ಶ್ರೀ ಕೃಷ್ಣನು ಭಗವದ್ಗೀತೆಯಲ್ಲಿ ವಿವರಿಸಿದ ರೀತಿಯಲ್ಲಿಯೇ ಪ್ರಾಯೋಗಿಕವಾಗಿ ದೇವರನ್ನು ವಿವರಿಸುವ ವೈದಿಕ ಮಂತ್ರವಿದೆ: "ತದ್ ಅಂತರ ಅಸ್ಯ ಸರ್ವಸ್ಯ ತದ್ ಸರ್ವಸ್ಯ ಬಾಹ್ಯಃ" - ಅಂದರೆ, "ಅವನು ಎಲ್ಲದರೊಳಗೆ ಅಸ್ತಿತ್ವದಲ್ಲಿದ್ದಾನೆ, ಆದರೆ ಅವನು ಎಲ್ಲದರ ಹೊರಗಿದ್ದಾನೆ." ನಾವು ಭಗವಂತನಂತೆ ಆಗುವುದಕ್ಕೆ ಸಾಧ್ಯವಾ? ಕೀಳರಿಮೆ ಮತ್ತು ಮೇಲರಿಮೆ ಎರಡರಿಂದಲೂ ಅದು ಸಾಧ್ಯವಿಲ್ಲ. ಆದರೆ, ಸಾಧ್ಯವಿದೆ - ನಮ್ಮ ಶಕ್ತಿಯನ್ನು ನಮ್ಮ ಒಳಹೊರಗು ಇರುವ ಸರ್ವ ಭೂತಗಳಲ್ಲೂ ಕಂಡುಕೊಳ್ಳುವ ಮೂಲಕ ಮಾತ್ರ. ಆ ಶಕ್ತಿ ಸರ್ವಾಂತರ್ಯಾಮಿ. ಅಂದರೆ, ಯಾರೂ ಮೇಲೂ ಅಲ್ಲ. ಯಾರೂ ಕೀಳೂ ಅಲ್ಲ. ನೀವು - ನಾವು ನಮ್ಮ ನಮ್ಮ ಆಳಕ್ಕಿಳಿದು ಪ್ರಶ್ನಿಸಿಕೊಳ್ಳಬೇಕು. ನಮ್ಮ ಊಹೆಗೆ ನಿಲುಕದ, ನಾವು ಕಾಣದ ಹಲವಾರು ವಿಚಾರಗಳು ನಮ್ಮೆಲ್ಲರನ್ನೂ ಬದುಕಿಸುತ್ತಲೇ ಇರುತ್ತ...

ಸಾಮಾನ್ಯ ಜನರಿಗೆ ತಾವು ಕಷ್ಟಪಟ್ಟು ಸಂಪಾದಿಸಿದ ಹಣವನ್ನು ಹೇಗೆ ಉಳಿಸಬೇಕು, ಎಲ್ಲಿ ಹೂಡಿಕೆ ಮಾಡಬೇಕು ಎಂಬ ಬಗ್ಗೆ ಗೊತ್ತಿರುವುದಿಲ್ಲ. ಹಾಗಾಗಿ, ಈ ಲೇಖನದಲ್ಲಿ ನಾನು ಹಣಕಾಸು ನಿರ್ವಹಣೆ ಮತ್ತು ಹೂಡಿಕೆ ಬಗ್ಗೆ ಸಾಕಷ್ಟು ಅಧ್ಯಯನ ಮತ್ತು ಅನುಭವಗಳ ಆಧಾರದಲ್ಲಿ ಪ್ರೀತಿಯಿಂದ ಒಂದಷ್ಟು ಅನಿಸಿಕೆಗಳನ್ನು ಹಂಚಿಕೊಳ್ಳುತ್ತಿದ್ದೇನೆ. ಈ ಲೇಖನ ತಮಗೆ ಇಷ್ಟವಾದರೆ ಒಂದು ಲೈಕ್, ಕಮೆಂಟ್ ಅಥವಾ ಮೆಸೇಜ್ ಬಾಕ್ಸಿನಲ್ಲಿ ಮೆಚ್ಚುಗೆಯನ್ನು ತಿಳಿಸಿ. ಹಣದುಬ್ಬರ ಎಂಬ ಪದವನ್ನು ನೀವು ಕೇಳಿರಬಹುದು. ಏನಿದು ಹಣದುಬ್ಬರ? ನಮ್ಮ ಕರೆನ್ಸಿ ಪ್ರತಿವರ್ಷ ಅಪಮೌಲ್ಯಕ್ಕೆ ಒಳಗಾಗುತ್ತಲೇ ಇರುತ್ತದೆ. ಹಣದುಬ್ಬರದಿಂದಾಗಿ ಅದರ ಕೊಳ್ಳುವ ಸಾಮರ್ಥ್ಯ(Purchasing power) ವರ್ಷದಿಂದ ವರ್ಷಕ್ಕೆ ಕಡಿಮೆಯಾಗುತ್ತದೆ. ಪ್ರಸ್ತುತ ಭಾರತದಲ್ಲಿ ಈ ಹಣದುಬ್ಬರದ ದರ 6-7% ಸುಮಾರಿಗೆ ಇದೆ. ಅಂದರೆ, ವರ್ಷದಿಂದ ವರ್ಷಕ್ಕೆ ಹಣದ ಮೌಲ್ಯ ಅಷ್ಟು ಕುಸಿದಿರುತ್ತದೆ ಎಂದರ್ಥ. ಹಾಗಾಗಿ, ನಮ್ಮಲ್ಲಿರುವ ಹಣವು ಈ ಹಣದುಬ್ಬರವನ್ನು ಮೀರಿ ಬೆಳೆಯಬೇಕು. ಹಾಗಿದ್ದರೆ ಮಾತ್ರ ಅದು ಹೂಡಿಕೆಯಾಗುತ್ತದೆ. ಷೇರು ಮಾರುಕಟ್ಟೆಯು ನಿಮ್ಮ ಹಣ ಉತ್ಕೃಷ್ಟ ರೀತಿಯಲ್ಲಿ ಬೆಳೆಯಲು ನೀವು ನೀಡಬಹುದಾದ ಅವಕಾಶವಾಗಿದೆ. ಷೇರುಗಳ ಮೂಲಕ ಅಥವಾ ಇಂಡೆಕ್ಸ್ ಫಂಡ್‌ಗಳ ಮೂಲಕ ದೀರ್ಘ ಅವಧಿಗೆ ನಿಮ್ಮ ಉಳಿತಾಯದ ಒಂದು ಭಾಗವನ್ನು ಹೂಡಿಕೆ ಮಾಡಲು ಪ್ರಯತ್ನಿಸಬಹುದು. ಇದಕ್ಕಾಗಿ ವಿವಿಧ ಎಸೆಟ್ ಮೇನೇಜ್‌ಮೆಂಟ್ ಕಂಪ...

ಚುಟುಕು ಸಾಹಿತ್ಯ ಪರಿಷತ್ತು ಬಂಟ್ವಾಳ ತಾಲೂಕು ಘಟಕದ ವತಿಯಿಂದ 'ಸಾಹಿತ್ಯ ಸಂಭ್ರಮ - 2024' ಚುಟುಕು ಗೋಷ್ಠಿ - ಹನಿ ಮಿನಿ ಕಥಾ ಗೋಷ್ಠಿ ವಿಟ್ಲ: ಚುಟುಕು ಸಾಹಿತ್ಯ ಪರಿಷತ್ತು ಬಂಟ್ವಾಳ ತಾಲೂಕು ಘಟಕದ ವತಿಯಿಂದ ಸಾಹಿತ್ಯ ಸಂಭ್ರಮ 2024ರ ಚುಟುಕು ಗೋಷ್ಠಿ - ಹನಿ ಮಿನಿ ಕಥಾ ಗೋಷ್ಠಿ ಕಾರ್ಯಕ್ರಮವು ಅಡ್ಯನಡ್ಕ ಜನತಾ ಪ್ರೌಢಶಾಲೆಯ ಕನ್ನಡ ಅಧ್ಯಾಪಕ ಮತ್ತು ಸಾಹಿತಿ ಶಿವಕುಮಾರ್ ಸಾಯ ಅವರ ಅಧ್ಯಕ್ಷತೆಯಲ್ಲಿ ವಿಟ್ಲ ಪಂಚಲಿಂಗೇಶ್ವರ ದೇವಸ್ಥಾನದ ಸಭಾಂಗಣದಲ್ಲಿ ಮಾರ್ಚ್ 17ರಂದು ನಡೆಯಿತು. ಕನ್ನಡ ಪಯಸ್ವಿನಿ ಪ್ರಶಸ್ತಿ ವಿಜೇತ ಶಿಕ್ಷಕಿ, ಕವಯಿತ್ರಿ ಸೀತಾಲಕ್ಷ್ಮಿ ವರ್ಮ, ವಿಟ್ಲ ಅರಮನೆ ಅವರು ಸಮಾರಂಭವನ್ನು ದೀಪ ಪ್ರಜ್ವಲಿಸಿ ಉದ್ಘಾಟಿಸಿದರು. ಚುಟುಕು ಸಾಹಿತ್ಯ ಪರಿಷತ್ತು ದ. ಕ. ಜಿಲ್ಲಾಧ್ಯಕ್ಷರಾದ ಹರೀಶ ಸುಲಾಯ ಒಡ್ಡಂಬೆಟ್ಟು ಸಭಾ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಚುಟುಕು ಸಾಹಿತ್ಯ ಪರಿಷತ್ತು ಬಂಟ್ವಾಳ ತಾಲೂಕು ಘಟಕದ ಅಧ್ಯಕ್ಷರಾದ ಆನಂದ ರೈ ಅಡ್ಕಸ್ಥಳ ಉಪಸ್ಥಿತರಿದ್ದರು. ಚುಟುಕು ಸಾಹಿತ್ಯ ಪರಿಷತ್ತು ಬಂಟ್ವಾಳ ತಾಲೂಕು ಘಟಕದ ನಿಕಟಪೂರ್ವ ಅಧ್ಯಕ್ಷರಾದ ರಾಜಾರಾಮ ವರ್ಮ ವಿಟ್ಲ ಅರಮನೆ ಪ್ರಸ್ತಾವನೆಗೈದರು. ವಿಟ್ಲದಲ್ಲಿ ಚುಟುಕು ಸಾಹಿತ್ಯ ಸಮ್ಮೇಳನ ಆಯೋಜನೆಗಾಗಿ ಚ...

ರೀಲುಗಳಿಗೆ ವ್ಯೂ ಸಿಗಲು ಹರಸಾಹಸ, ಹುಡುಗರು ಹಂಚುತ್ತಿದ್ದಾರೆ ಕಾಮಿಡಿ; ಹುಡುಗಿಯರು ಕೊಂಚ ಕೊಂಚ ಬೆತ್ತಲೆಯಾಗುತ್ತಿದ್ದಾರೆ, ತೋರುತ್ತಿದ್ದಾರೆ ತುಂಡುಬಟ್ಟೆಯ ಮಿಡಿ! ✍️ ಶಿವಕುಮಾರ್ ಸಾಯ

ಒಂದು ಕಣ್ಣಿಗೆ ಬೆಣ್ಣೆ; ಒಂದು ಕಣ್ಣಿಗೆ ಸುಣ್ಣ; ತೊಳೆದುಬಿಡಬೇಕು, ಬದಲಾಯಿಸುವ ಬಣ್ಣ! ✍️ ಶಿವಕುಮಾರ್ ಸಾಯ

"ಜಗತ್ತನ್ನೇ ತಿರುಗಿಸುವ ಶಕ್ತಿ ನಿಮ್ಮ ಸುಪ್ತ ಪ್ರಜ್ಞಾ ಮನಸ್ಸಿನಲ್ಲಿದೆ" - ಈ ಮಾತನ್ನು ಹೇಳಿದವನು ತತ್ತ್ವಜ್ಞಾನಿ ವಿಲಿಯಂ ಜೇಮ್ಸ್. ನಾವು ನಂಬಿರುವ ನಂಬಿಕೆಯೇ ನಮ್ಮ ಮನಸ್ಸಿನ ಸುಪ್ತ ಶಕ್ತಿ. "ನಾವು ನಮ್ಮ ಸುಪ್ತ ಮನಸ್ಸಿಗೆ ಏನನ್ನು ಹೇಳಿಕೊಳ್ಳುತ್ತೇವೆಯೋ ಅದೇ ನಡೆಯುತ್ತದೆ" ಎಂದು ಡಾ| ಜೋಸೆಫ್ ಮರ್ಫಿ ಎಂಬ ಐರಿಶ್ ಲೇಖಕ ತನ್ನ ಪ್ರಖ್ಯಾತ ಗ್ರಂಥ 'ದ ಪವರ್ ಆಫ್ ಯುವರ್ ಸಬ್‌ಕಾನ್ಶಿಯಸ್ ಮೈಂಡ್' ಎಂಬುದರಲ್ಲಿ ಪ್ರತಿಪಾದಿಸಿದ್ದು, ಆ ಪುಸ್ತಕವು ಜಗತ್ತಿನಲ್ಲಿ ದಾಖಲೆಯ ಮಟ್ಟದಲ್ಲಿ ಮಾರಾಟವಾಗಿದೆ. ಹಾಗಿದ್ದರೆ ಬನ್ನಿ, ಸುಪ್ತಮನಸ್ಸು ಎಂದರೇನು? ಅದು ಹೇಗೆ ಕೆಲಸ ಮಾಡುತ್ತದೆ? ತಿಳಿದುಕೊಳ್ಳೋಣ. ಮನಸ್ಸು ಎಂದರೆ ಪ್ರಜ್ಞೆ, ಗ್ರಹಿಕೆ, ಯೋಚನೆ, ವಿವೇಚನೆ ಮತ್ತು ನೆನಪು ಸೇರಿದಂತೆ ಗ್ರಹಣ ಶಕ್ತಿಗಳ ಸಮೂಹ. ಇದನ್ನು ಸಾಮಾನ್ಯವಾಗಿ ಒಂದು ಜೀವಿಯ ಯೋಚನೆಗಳು ಮತ್ತು ಪ್ರಜ್ಞೆಯ ಸಾಮರ್ಥ್ಯ ಎಂದು ವ್ಯಾಖ್ಯಾನಿಸಲಾಗುತ್ತದೆ. ಮನಸ್ಸು ಜಾಗೃತ ಸ್ಥಿತಿಯಲ್ಲಿಯೂ ಇರಬಹುದು ಅಥವಾ ಸುಪ್ತ ಸ್ಥಿತಿಯಲ್ಲಿಯೂ ಇರಬಹುದು. ನಾವು ಏನು ಯೋಚಿಸುತ್ತಿದ್ದೇವೆ ಎಂಬುದರ ಅರಿವಿನೊಂದಿಗೆ ಇರುವುದು ನಮ್ಮ ಮನಸ್ಸಿನ ಜಾಗೃತ ಸ್ಥಿತಿ. ಆದರೆ ನಮಗೆ ಅರಿವಿಲ್ಲದಂತೆ ನಮ್ಮ ಮನಸ್ಸಿನ ಹಲವಾರು ಕ್ರಿಯೆಗಳು ನಿರಂತರವಾಗಿ ನಡೆಯುತ್ತಿರುತ್ತವೆ. ಅದುವೇ ಸುಪ್ತ ಸ್ಥಿತಿ. ನಮ್ಮ ಬದುಕಿನ ಸರ್ವಸ್ವವೂ ಸುಪ್ತ ಮನಸ್ಸಿನಲ್ಲಿ ನಮಗೆ ತಿಳಿ...

ದಿನದ ಸಂಭ್ರಮಕೆ ಕೊನೆಯೇ ಇರದಂತೆ, ಸಂತಸಕೆ ಎಣೆಯಿಲ್ಲದಂತೆ ನಡೆಯಿತು ನಡುಮನೆಯಲ್ಲಿ ಪ್ರೇಮದ ಮಹೋತ್ಸವ. ಪ್ರಕೃತಿಯ ಮಡಿಲಲ್ಲಿ ಹೂವು ಅರಳಿ ಗಾನವೈಭವ, ಗೋಷ್ಠಿಗಳು ಜರಗಿದವು ಮರಳಿ. ರಾಗ - ಅನುರಾಗ ತೋರಿ ಚೆಲುವು ಸುಸ್ವರವ ತಂತು ಒಲವು. ಎಡಬಲಗಳಲ್ಲಿ ಎಡತಾಕುತಿದ್ದ ಮಡಿವಂತಿಕೆಯ ಇಕ್ಕಿ, ದೃಢವಾಗಿ ಸುಖಿಸಿತು ಭಾವಲೋಕದ ಹಕ್ಕಿ.... ✍️ ಶಿವಕುಮಾರ ಸಾಯ 'ಅಭಿಜಿತ್'

ಅಡ್ಯನಡ್ಕ: ಅಡ್ಯನಡ್ಕ ಜನತಾ ಕನ್ನಡ ಮಾಧ್ಯಮ ಹಾಗೂ ಆಂಗ್ಲ ಮಾಧ್ಯಮ ಶಾಲೆಯ ಸಂಯುಕ್ತ ಆಶ್ರಯದಲ್ಲಿ ನಡೆಯುತ್ತಿರುವ 'ಶನಿವಾರ ಸಂಭ್ರಮ' ಸರಣಿ ಕಾರ್ಯಕ್ರಮದ ಅಂಗವಾಗಿ ಜನವರಿ 28ರಂದು ಸಾಹಿತ್ಯ ರಚನಾ ಕಮ್ಮಟ ಜರುಗಿತು. ಸಂಪನ್ಮೂಲ ವ್ಯಕ್ತಿಯಾಗಿ ಆಗಮಿಸಿದ ಜನತಾ ಪ್ರೌಢಶಾಲೆಯ ಕನ್ನಡ ಅಧ್ಯಾಪಕ, ಕವಿ, ಸಾಹಿತಿ ಶ್ರೀ ಶಿವಕುಮಾರ್ ಸಾಯ ಅವರು ಮಕ್ಕಳಿಗೆ ಸಾಹಿತ್ಯ ಮತ್ತು ಕವನ ರಚನೆಯ ತರಬೇತಿ ಮತ್ತು ಮಾರ್ಗದರ್ಶನ ನೀಡಿದರು. ಅವರು ಮಾತನಾಡುತ್ತಾ, ಮಕ್ಕಳ ಕವನಗಳನ್ನು ಬರೆಯುವಾಗ ಪ್ರಾಸಬದ್ಧತೆ, ಲಯ, ಛಂದಸ್ಸಿನ ಬಳಕೆ ಇದ್ದಾಗ ಬರವಣಿಗೆಯ ಕ್ರಮ ಆಕರ್ಷಕವಾಗುತ್ತದೆ. ವ್ಯಕ್ತಿತ್ವದ ವಿಕಾಸ ಹಾಗೂ ಸ್ವಂತಿಕೆಯ ಪ್ರಕಾಶಕ್ಕೆ ಸಾಹಿತ್ಯ ಪೂರಕ. ಸಾಹಿತಿಯು ತನ್ನ ಪ್ರತಿಭೆಯನ್ನು ಬಳಸಿ ಪದಗಳ ಮೂಲಕ ದೈನಂದಿನ ಜೀವನದಲ್ಲಿ ಕಂಡುಬರುವ ಆಶ್ಚರ್ಯ, ಕುತೂಹಲವನ್ನು ಹೊರಹಾಕುತ್ತಾನೆ. ಕವನ - ಕತೆಗಳನ್ನು ರಚಿಸುವುದರಿಂದ ಸಮಾಜಕ್ಕೆ ಒಳ್ಳೆಯ ಸಂದೇಶವನ್ನು ನೀಡಬಹುದು ಎಂದು ಹೇಳಿದರು. ಸ್ವಂತಿಕೆಯು ವ್ಯಕ್ತಿಯಿಂದ ವ್ಯಕ್ತಿಗೆ ವಿಭಿನ್ನ. ಸುಲಭವಾಗಿ ಅನುಭವಕ್ಕೆ ದಕ್ಕುವ ವಿಷಯಗಳನ್ನು ಸಾಹಿತ್ಯ ರಚನೆಗೆ ಆರಿಸುವುದು ಸೂಕ್ತ. ಬರೆಯುವ ರೀತಿ, ಶೈಲಿ, ವರ್ಣನೆ, ಶಬ್ದ - ಅರ್ಥಾಲಂಕಾರಗಳ ಬಳಕೆ ಇವುಗಳಿಂದ ಪ್ರಬುದ್ಧ ಮತ್ತು ಜನಪ್ರಿಯವಾಗುವಂತೆ ಬರೆಯಬಹುದು. ಓದು ಮತ್ತು ಬರಹ ಎರಡೂ ಜೊತೆಯಾಗಿ ಸಾಗಬೇಕು. ಬರೆಯುತ್ತಾ ಬರೆಯು...

ಎಲ್ಲರಿಗೂ ನಮಸ್ಕಾರಗಳು. ಈ ಒಂದು ಲೇಖನದಲ್ಲಿ ವಿಜ್ಞಾನದ ದೊಡ್ಡ ಸಿದ್ಧಾಂತಗಳು, ಜ್ಯೋತಿಷ್ಯ - ಮಂತ್ರ - ತಂತ್ರಗಳು, ಸಾಹಿತ್ಯ - ಕಲಾಪ್ರಿಯತೆ, ಅಧ್ಯಾತ್ಮ, ಯೋಗ ಮತ್ತು ಧ್ಯಾನ, ತತ್ತ್ವಶಾಸ್ತ್ರ, ಆನ್ವಯಿಕ ಮನಃಶಾಸ್ತ್ರ ಮುಂತಾದ ವಿಷಯಗಳ ಒಟ್ಟು ಅನುಭವವನ್ನು ಸಂಕ್ಷಿಪ್ತವಾಗಿ ಹಂಚಿಕೊಳ್ಳಬಯಸುತ್ತೇನೆ. ಈ ವಿಷಯಗಳು ನನಗೆ ಬದುಕಿನ ಕೆಲವು ಹಂತಗಳಲ್ಲಿ ಆಸಕ್ತಿ, ಅನಿವಾರ್ಯತೆ ಮತ್ತು ಪ್ರಭಾವ ಬೀರಿದ ವಿಭಾಗಗಳು. ಅನುಭವಗಳು ವಿಕಸಿತವಾದಂತೆ ನನ್ನ ಅಧ್ಯಯನ ಅನಿವಾರ್ಯವಾಗತೊಡಗಿತು. ಇತ್ತೀಚೆಗೆ ನನ್ನ ಜೊತೆ ಮಾತನಾಡುವ ಅನೇಕರು ಈ ರೀತಿಯ ವಿಷಯಗಳ ಬಗ್ಗೆ ಚರ್ಚೆ ನಡೆಸುತ್ತಾರೆ ಅಥವಾ ನನ್ನ ಚರ್ಚೆಗಳು ಆ ಬಗೆಯಲ್ಲಿ ಸಾಗುತ್ತವೆ ಎಂಬುದು ಹೆಮ್ಮೆಯ ಸಂಗತಿ. ಸಾಹಿತ್ಯ, ಸಂಗೀತ ಮತ್ತು ಇತರ ಕಲೆಗಳು ಲೋಕದ ಜೊತೆಗಿನ ನಮ್ಮ ಅಭಿವ್ಯಕ್ತಿಯ ವಿಧಾನಗಳಾದರೆ, ಅಧ್ಯಾತ್ಮ ನಮ್ಮೊಳಗಿನ ಮೂಲಸ್ವರೂಪದೊಂದಿಗೆ ಒಂದೇ ಆಗುವ ಪ್ರಕ್ರಿಯೆ. ಅಧ್ಯಾತ್ಮ ಒಂದು ಸಿದ್ಧಿ. ವಿವಿಧ ಬಗೆಯ ವ್ಯಕ್ತಿಗಳೊಂದಿಗೆ ವರ್ತಿಸಿದ ಸಂದರ್ಭಗಳಿರಬಹುದು, ಸಂಗೀತ - ಸಾಹಿತ್ಯದ ನನ್ನ ಅಭಿವ್ಯಕ್ತಿಯೊಂದಿಗೆ ಹೆಸರು ಮಾಡುತ್ತಿದ್ದ ಆ ನನ್ನ ಬಾಲ್ಯ - ಹರೆಯದ ದಿನಗಳಿರಬಹುದು, ವಿಭಿನ್ನವಾಗಿ ಸಾಗಿತು. ನಮ್ಮ ಹೊರಗೆ ಅನುಭವಕ್ಕೆ ಬರುತ್ತಿರುವ ವಿಷಯ ನನ್ನ ಒಳಗಿನಿಂದಲೇ ಉತ್ಪ್ರೇಕ್ಷಿತವಾದ ವಿಷಯ ಎಂಬುದು ಜರುಗಿದ ಕೆಲವು ಘಟನೆಗಳಿಂದ ಅರಿವಾಯಿತು. ಹೀಗಾಗಿ ನನ್ನದೇನಿದ್ದರೂ ಜ್ಞಾನಾನುಭವವ...

ಜಗತ್ತಿನಲ್ಲಿ ಒಂದಷ್ಟು ಮಂದಿ ಸಂತೋಷಕ್ಕಾಗಿ ಕೆಲಸ ಮಾಡಿದರೆ, ಇನ್ನೊಂದಷ್ಟು ಜನ ಹಣಕ್ಕಾಗಿಯೇ ಕೆಲಸ ಮಾಡುತ್ತಾರೆ. ಒಂದು ಕಾಲದಲ್ಲಿ ವಸ್ತುವಿನಿಮಯ ಪದ್ಧತಿಯ ಬದಲು ಜಾರಿಗೆ ಬಂದ ಹಣ ಇಂದು ಶ್ರೀಮಂತಿಕೆಯ ಕುರುಹಾಗಿ, ತಾರತಮ್ಯದ, ಆಡಂಬರದ, ಅಧಿಕಾರಶಾಹಿಯ, ಸೊಕ್ಕಿನ, ಶೋಷಣೆಯ ಅಸ್ತ್ರವಾಗಿರುವುದು ದುರದೃಷ್ಟಕರ. ಬದುಕಲಿಕ್ಕಾಗಿ ತಿನ್ನುವುದು ಮತ್ತು ತಿನ್ನಲಿಕ್ಕಾಗಿಯೇ ಬದುಕುವುದು - ಇವೆರಡೂ ಬೇರೆಬೇರೆ. ತಿನ್ನಲಿಕ್ಕಾಗಿಯೇ ಬದುಕುವವರು ಹಣದ ಉದ್ದೇಶಕ್ಕಾಗಿಯೇ ವಿವಿಧ ವೃತ್ತಿಗಳನ್ನು ಮಾಡುತ್ತಾರೆ. ವಿವಿಧ ವೃತ್ತಿಪರ ಅಧ್ಯಯನ, ತರಬೇತಿ ಘಟಕಗಳನ್ನು, ಮಹಾವಿದ್ಯಾಲಯ, ವಿಶ್ವವಿದ್ಯಾಲಯಗಳನ್ನು ಪ್ರತ್ಯೇಕ ವಿಷಯಗಳ ಪರಿಣಿತರನ್ನು ತಯಾರುಗೊಳಿಸಲಿಕ್ಕಾಗಿ ತೆರೆಯಲಾಗಿದೆ. ಆದರೆ ವೃತ್ತಿಪರತೆಯ ಭರಾಟೆಯಲ್ಲಿ ಕಲೆ - ಭಾಷೆ - ತತ್ತ್ವಶಾಸ್ತ್ರಗಳ ತಿರುಳನ್ನು, ಮೂಲವಿಜ್ಞಾನವನ್ನು ಗ್ರಹಿಸಿಕೊಳ್ಳುವ ಸೂಕ್ಷ್ಮತೆಯನ್ನು ಅನೇಕರು ಕಳೆದುಕೊಂಡಿದ್ದಾರೆ. ವೃತ್ತಿಪರತೆಯನ್ನು ಬಹಳ ಮಂದಿ ಗಳಿಸಿಕೊಂಡು ಸಾಕಷ್ಟು ದುಡ್ಡು ಸಂಪಾದಿಸಿದರೂ ಅವರಲ್ಲಿ ಎಲ್ಲರೂ ನಿಜಕ್ಕೂ ಪಂಡಿತರಾಗಿಲ್ಲ. ಹೀಗಾಗಿ ಈ ಮಹಾಜಗತ್ತಿನಲ್ಲಿ ಈಗ ದುಡ್ಡು ಎಂಬುದು ಯಾರು ಶ್ರೇಷ್ಠ - ಯಾರು ಶ್ರೇಷ್ಠರಲ್ಲ, ಯಾರು ಜ್ಞಾನಿ - ಯಾರು ಜ್ಞಾನಿಯಲ್ಲ ಎಂಬುದನ್ನು ಗುರುತಿಸುವ ಒಂದು ಮಾನದಂಡವಂತೂ ಆಗಿಯೇ ಇಲ್ಲ. ಹಣಸಂಪಾದನೆಯ ಉದ್ದೇಶದಿಂದ ವಿದ್ಯಾಭ್ಯಾಸವನ್ನಾಗಲೀ, ಯಾವುದೇ ಒಂದು ಉದ್ಯೋಗವ...